Í dagsins önn er venjulegur kennari upptekinn af því að fylgja kennsluskrá skólans eftir - svo upptekinn að lítill/enginn tími gefst til að styrkja námsgetu nemendanna markvisst.

Okkur er því ekki kennt nógu markvisst að læra.  Allt of margir lesa of hægt, muna of lítið, eiga erfitt með að læra utanbókar, kunna ekki að glósa - Nemandinn upplifir námið þungt og tímafrekt, jafnvel leiðinlegt.

Styrkur hugarkorta umfram hefðbundna glósutækni (að skrifa niður punkta á blað) er margþættur.

• Fjölbreytt, verkleg, litrík og myndræn
• Reyna á skapandi hliðar nemandans
• Henta öllum aldri - öllum fögum
• Fljótlegt að búa til - fljótlegt að "skoða"
• Við "skoðum" hugarkort (fremur en að "lesa" glósurnar)
• Henta vel þegar foreldri og barn vinna saman
• Virkja hægra heilahvelið - sem sér um heildræna skynjun (fremur en línulega)
• Falla vel að virkni hugans - hugarkort eru upplýsingar á "mannamáli" fyrir heilann
• Skemmtilegt að búa til
• Gríðarlegur tímasparnaður
• Vinnusparnaður -  því ekki þarf að marglesa texta