Í þessu myndbandi
Það er gott að yfirstrika námstexta með það í huga að strika í allt sem skiptir máli. Ef þú strikar í of lítið, eða of mikið...þá verður yfirlesturinn töluvert þungur. Reyndu að strika í "nóg". Hugsaðu þetta þannig, að ef þú mættir eingöngu læra efnið sem þú strikar í, þá myndir þú ná prófi.
00:20
Með því að minnka lesefni um 90%, skiljum við eftir 10% textans til að lesa aftur og læra.
01:32
Lesum með því hugarfari að finna svörin. Sleppum heilabrotum og utanbókarlærdómi. Heilabrotin og lærdómurinn kemur síðar og þá getum við jafnvel sleppt lestrinum. Þetta er miklu auðveldara.
02:45
Strikaðu í stikkorð og staðreyndir. Forðastu að strika í samfelldan texta, setningar eða málsgreinar.
Of miklar yfirstrikanir
Betra. Hér er strikað í stikkorð/svör.
03:20
Sjóndæmi um samanburð milli þess að yfirstrika ekki neitt, yfirstrika of mikið, og loks að strika í svörin.
Í fyrsta dæminu eru engar yfirstrikanir. Efnið gleymist fljótt og lesa þarf allt efnið aftur til upprifjunar.
Í miðjudæminu eru yfirstrikanir of miklar. Það er skárra en enn þarf að lesa mikið til upprifjunar og finna þarf út úr því hvers vegna strikað var í þessa hluta textans.
Dæmið lengst til hægri er best. Þar er strikað í lykilatriði, stikkorð eða svör. Lykilatriðin eru því ekki grafin í óstrikaðan texta, eða of mikið strikaðan texta. Þau einfaldlega standa út úr.
Engar yfirstrikanir.
Of miklar yfirstrikanir
Hér er strikað í stikkorð/svör.